Elektrondyq eńbek bırjasynda «Samuryq-Qazyna» UÁQ» AQ-nyń bos jumys oryndary qoljetimdi boldy
QR Eńbekmıni «Eńbek resýrstaryn damytý ortalyǵy» AQ «Samuryq-Qazyna» Ulttyq ál-aýqat qory» AQ-men birlesip, elektrondyq eńbek bırjasy jáne Samruk Qyzmet portaldarynyń ıntegrasıasyn júrgizdi. Endi «Samuryq-Qazyna» UÁQ» AQ kompanıalar tobyna kiretin kásiporyndardyń ornalastyrylǵan bos jumys oryndary EEB paıdalanýshylaryna qarap, pikir bildirý úshin qoljetimdi bolady, dep habarlaıdy almaty-akshamy.kz
«Jalpy, biz elektrondyq eńbek bırjasynyń bos jumys oryndary bazasyn turaqty túrde keńeıtýge tyrysamyz, bul jumys izdeýshilerge múmkindiginshe kóp jumys múmkindikterin usynady. Osylaısha, EEB-de qor portalymen ıntegrasıanyń arqasynda «Samuryq-Qazyna» UÁQ» AQ kompanıalar tobyna kiretin 170-ten astam uıymnyń bos jumys oryndary qoljetimdi bolady», – dedi «ERDO» AQ prezıdenti Dáýlet Arǵyndyqov.
Qazirgi ýaqytta EEB-da Qordyń 59 kompanıasynan 900-ge jýyq ózekti bos jumys orny ornalastyrylǵan, onyń 650-i turaqty jumys oryndary.
«Eki portaldy ıntegrasıalaý – bul úlken qadam, sebebi qazaqstandyq paıdalanýshylar úshin jumysty jyldam ári tıimdi izdeý múmkindigi ashylady. Al «Samuryq-Qazyna» UÁQ» AQ tobynyń kompanıalary úshin jumys izdeýshilerdiń kóp sanyna qoljetimdilik keńeıtiledi, bul nátıjesinde bilikti mamandardy neǵurlym sapaly irikteýge yqpal etedi. Óz kezeginde, Elektrondyq eńbek bırjasy portaly jańa jáne ózekti bos jumys oryndarmen tolyqtyryldy. Biz ıntegrasıany júzege asyrý úshin kóp jumys jasadyq jáne endi jumys izdep júrgen barlyq azamattar bizdiń eńbegimizdiń nátıjelerin paıdalana alatynyna qýanyshtymyz», – dep atap ótti «Samuryq-Qazyna» korporatıvtik ýnıversıtetiniń dırektory Beksultan Bekmuratov.