Ózbekstanda ekpe saldyrmaǵandar jumystan shettetiledi. Tıisti zańǵa jýyrda kórshi el Prezıdenti Shavkat Mırzıóev qol qoıdy, dep habarlaıdy almaty-akshamy.kz 24.kz silteme jasap.
Taǵy jańashyldyqqa sáıkes, bas memlekettik sanıtarlyq dáriger ınfeksıalyq aýrýlar órshigen jaǵdaıda, mindetti vaksınalaý sharasyn engizýi múmkin. Ózbekstandaǵy qazirgi epıdaýhal asa máz emes.
Negizi ımmýndaý sharasy aıasynda Ózbekstanda 4 túrli vaksına qoldanylýda. Olar: COVAX baǵdarlamasy aıasynda elge jetkizilgen Aztra Zeneca men Moderna ekpeleri jáne reseılik Spýtnık V men qytaılyq vaksına ZFUZ. Qazirgi tańda elde ekpe alǵan azamattardyń sany 8 mln 300 myńnan asty.
Jalpy, mindetti ekpe jasatýdan bas tarta alatyn azamattardyń da sanaty bar. Bul tizimge medısınalyq kórsetkishterge baılanysty vaksına jasatýǵa bolmaıtyndar, 6 aı ishinde koronavırýspen aýyryp shyqqandar men júkti áıelder kiredi. Olar mindetti túrde PTR test tapsyryp otyrýlary qajet. Bul test Ózbekstan azamattary úshin tegin jasalady.