Bul is keler jyly júzege asýy múmkin.
Kórshimiz bıyl AQSH jáne Qytaımen kelissózderdi qorytyndylap, uıymǵa múshe taǵy 20 memlekettiń qoldaýyna ıe boldy. Endi Ózbekstan álemdik saýda erejelerine qarama-qaıshy keletin jeńildikterdi joıýy tıis, dep habarlaıdy aqshamnews.kz 24.kz-ke silteme jasap.
Sonymen qatar naryqta ádil básekelestik ornatyp, barshaǵa teń múmkindik usynýǵa mindetti. Dúnıejúzilik banktiń baǵalaýy boıynsha, kórshi memleket saýda uıymyna qosylsa, aldaǵy 5-7 jyl ishinde jalpy ishki ónimin 17 prosentke kóbeıte alady. Iaǵnı ekonomıkalyq ósimin jedeldetedi. Jalpy ózbekstandyq sarapshylar qalyptasqan jaǵdaıdy qup kórip otyr.
Olardyń aıtýynsha, álemdik uıym talaptary el ishinde naryqtyq ekonomıkanyń keń qanat jaıýyna jol ashady. Esterińizde bolsa, bizdiń el Dúnıejúzilik saýda uıymyna 2015 jyly qosylǵan bolatyn.