Qazaqstandyq jýrnalıs, jazýshy Bıgeldi Ǵabdýllın Almatyda atom elektr stansıasyn salý máselesine arnalǵan referendýmda daýys berdi. Ol Bostandyq aýdanyndaǵy №191 mektepte ornalasqan №235 saılaý ýchaskesine baryp, óz tańdaýyn jasady.
Bıgeldi Ǵabdýllın daýys bergennen keıin referendýmnyń el úshin mańyzdylyǵyn atap ótip, bul árbir azamattyń óz pikirin erkin bildirýge múmkindik ekenin aıtty. Óziniń áleýmettik jelidegi paraqshasynda ol: «Óz daýysymdy el bolashaǵy úshin berdim. Qandaı sheshimdi qoldaıtynymdy ózderińiz taýyp kórińizder...», - degen jazba qaldyrdy.
Esterińizge sala keteıik, búgin Qazaqstanda AES salý máselesi boıynsha respýblıkalyq referendým ótýde. Almatylyqtar turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.