Otandyq ónim suranysqa ıe
QazVac vaksınasy Shveısarıada tirkelýi múmkin. Bul týraly Bıologıalyq qaýipsizdik máseleleri ǵylymı-zertteý ınstıtýtynyń bas dırektory Kúnsulý Zakará málimdedi, dep habarlaıdy Almaty-akshamy.kz.
«Shveısarıada tirkelý máselesine kelsek, ózderi bizdiń Syrtqy ister, Saýda jáne ıntegrasıa mınıstrlikterine shyǵyp, habarlasqan bolatyn. Sondyqtan qazir solarmen jumys istep jatyrmyz. Óıtkeni ózderi qyzyǵýshylyq tanytty. Kim baılanysqa shyqsa, solarmen jumys istep jatyrmyz. Mysaly, qasymyzda baýyrlas elder bar. Qyrǵzystannan basqalary eshqandaı usynyspen shyqqan joq. Al alystaǵy Shveısarıa ózderi shyǵyp, «kómekteseıik, tirkeýden ótseńizder, Afrıka, Latyn Amerıkasyna shyǵarýǵa bolady» degendeı máselelerdi aıtty», - deıdi ınstıtýttyń bas dırektory.