Jánibek - dıvızıon patshasy!
Qazaqstandyq Jánibek Álimhanuly osyndaı málimdeme jasap, Demetrıýs Andrademen jekpe-jekti talap etti, dep habarlaıdy Almaty-akshamy.kz 24.kz-ke silteme jasap.
Sońǵysy - qazir WBO tujyrymy boıynsha álem chempıony.
«Eddı Hırn, maǵan orta salmaqtaǵy chempıondy ber. Onyń eshteńesin aýyrtpaı tıtýlynan aıyramyn. Men dıvızıon patshasymyn», - dedi Jánibek áleýmettik jelide qaldyrǵan jazbasynda.
Dálirek aıtsaq, jerlesimiz buǵan deıin birneshe ret beldik úshin talasty suraǵan edi. Ol sońǵy jekpe-jeginde burynǵy álem chempıony Rob Brantty jeńgen bolatyn. Osylaısha búginge deıin 10 jekpe-jek ótkizip, barlyǵynda da basym boldy. Tipti altaýyn ýaqytynan buryn aıaqtady.
Buǵan qosa, álem chempıonatynda taǵy bir jerlesimiz Kırıll Kýrdıdı de júldege ilikti. Ol 1 shaqyrymdyq gıt báskesinde qola júldeger atandy. Aıta ketý kerek, velotrektiń dál osy baǵytynda da bizde dúnıejizilik dodanyń medali bolmaǵan.
Baıraqty básekege elordadaǵy olımpıadalyq daıarlaý ortalyǵynan bas-aıaǵy 9 sportshy attandy. Olar qalyptasqan jaǵdaıǵa baılanysty eki jyldaı halyqaralyq jarystarǵa qatyspady.
«Uzaq ýaqyt eshqandaı jarysqa qatyspadyq. Sondyqtan bizdiń múmkindigimizdi qarsylastarymyz bilmedi. Jarys barysynda namysqa tyrysyp, el abyroıyn asqaqtatýdy maqsat tuttym. Barlyǵy oıdaǵydaı bolǵanyna qýanyshtymyn», - dedi álem chempıonatynyń qola júldegeri Kırıll Kýrdıdı.