Alataý aýdany Otan qorǵaýshylar kúnin atap ótti.
7 mamyr – Otan qorǵaýshylar kúni, 9 mamyr - Jeńis kúni merekelerine oraı, Alataý aýdany ákimdigi aldyndaǵy alańynda ornalasqan «Er esimi – el esinde» eskertkishine gúl shoqtaryn qoıý rásimi uıymdastyryldy, dep habarlaıdy Almaty-akshamy.kz.
İs-sharaǵa aýdan ákimi, aýdan ardagerleri, aýǵan soǵysy ardagerleri men jastar qatysty. Mańyzdy jıyn kezinde aýdan ákimi Azamat Qaldybekov, aýdandyq ardagerler keńesiniń tóraǵasy Saǵatýlla Taýbaldy, aýǵan soǵysy ardagerleri sóz sóıledi. Gúl shoqtaryn qoıý rásiminen soń, «Atletıkalyq aýyl» aımaǵynda ardagerler men aýdan turǵyndaryna arnalǵan merekelik konsert uıymdastyrylyp, estrada ánshileri Asqar Júnisbekov, Seıfýllın Jolbarys, Dımash Daýletov, «Zıra», «Mereı» ansamblderi, basqa da otandyq ónerpazdar, shyǵarmashylyq uıymdar óner kórsetti. Merekelik konsertten keıin aýdan ákimdiginiń uıymdastyrýymen aýmaqtyń eńbek ardagerleri men aýǵan soǵysy ardagerlerine (200-deı adam) meıramhanada dastarqan jaıylyp, azyq-túlik sebeti taratyldy.