Bul týraly Túrkistan oblysy ákiminiń orynbasary Zulpyhar Joldasov málimdedi, dep habarlaıdy aqshamnews.kz
Ol Alǵabas aýylyndaǵy qandy órtten aman qalǵandardyń jaı-kúıine qatysty jańa málimet berdi. Sheneýniktiń aıtýynsha, zardap shekkenderdiń biri esin jıǵan. Úsheýi de – bir otbasynyń músheleri: er adam, onyń jubaıy jáne qyzdary.
"Bir naýqas esin jıdy. Úsheýiniń de jaǵdaıy turaqty, biraq áli reanımasıada jatyr. Densaýlyq saqtaý mınıstrligi naýqastar emdelip jatqan aýrýhanamen turaqty baılanysta. Qajet bolsa, sanavıasıa arqyly Astanaǵa kóshirýge daıyn", – dedi Joldasov.
Ol órttiń shyǵý sebebi ázirge belgisiz ekenin, naqty aqparatty tergeý aıaqtalǵannan keıin polısıa jarıalaıtynyn aıtty.