Ekpeniń nasıhatyn marketıńtik turǵydan  saýatty júrgizý kerek.

Búgin Almaty qalasy Óńirlik komýnıkasıalar qyzmetiniń alańynda ótken «Vaksınalaýdyń mańyzdylyǵy týraly» taqyrybynda onlaın baspasóz-konferensıasynda ıslamtanýshy, teolog, Nur-Múbarak ýnıversıtetiniń ustazy Oralhan Seıdmanov osylaı dedi, dep habarlaıdy Almaty-akshamy.kz

 «Vaksınaǵa qatysty din qyzmetkeri ne deıdi dep emes, ǵylym ne deıdi dep qaraýymyz kerek. Óıtkeni bizdiń dinimiz «Oqy» degen aıatpen bastalady. Degenmen din qyzmetkeri degenniń ártúrli sanaty, ártúrli dárejesi bolǵandyqtan, din qyzmetkeri emes, dinimiz ne deıdi dep suraǵan durys», -dedi teolog.

 Islamtanýshynyń aıtýynsha, ekpe alýda damyǵan elderden úlgi alýymyz qajet.

 «Bilmeseńder, bilim ıesinen surańdar» degen hadıs bar, sondyqtan vaksına bola ma, bolmaı ma degendi árkimnen emes, sol týraly saýaty bar adamnan suraý kerek. Qazir aldyńǵy qatarly eldiń bári ekpe alyp bitti dep jatyr, biz basqa nársede olarǵa eliktep, qazir nege úlgisin almaımyz? Múmkin, ekpeniń nasıhatyn marketıńtik turǵydan durys saýatty júrgizý kerek shyǵar. Sonda halyqtyń da ekpege degen kózqarasy ózgerer edi degen pikirdemin. Mysaly, qolyńdy jýmasań ne bolatyny týraly balalarǵa arnalǵan vıderolık bar ǵoı, sol sıpatty nasıhat kerek. Vaksına sizdi úlken keselden saqtaý maqsatynda deneńizge engiziledi», -dedi Oralhan Seıdmanov.