621 myńnan astam adam baspana kezeginde tur.
Qazaqstanda 61 myń jetim bala baspana kezeginde tur. Bul týraly QR Indýstrıa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Baýyrjan Qabdol málim etti, dep habarlaıdy Almaty-akshamy.kz QazAqparatqa silteme jasap.
«Búgingi tańda elimiz boıynsha 621 myńnan astam adam baspana kezeginde tur. Onyń ishinde 432 myńy - áleýmettik osal jaǵdaıdaǵy adamdar. Bulardyń ishinde eń osal jáne turǵyn úı máslelerin sheshýge asa muqtaj adamdardyń tórt basym sanaty bar»,- dedi ol Ortalyq komýnıkasıadar qyzmetinde ótken brıfıńide.
Komıtet ókili atalǵan 4 basym sanattyń árqaısysy boıynsha qansha adam baspana kezeginde turǵanyn atady.
«Birinshisi – kóp balaly otbasylar. Olar – 91 myń azamat. Ekinshisi – birinshi jáne ekinshi toptaǵy múgedektigi bar adamdar. Mundaı 51 myń azamat bar. Úshinshisi – múgedektigi bar balasy bar otbasylar, 24 myń azamat kezekte tur. Tórtinshisi – jetim balalar, 61 myń azamat tur», - dedi Baýyrjan Qabdol.