Buıryq 2025 jylǵy 24 tamyzdan bastap kúshine enedi, dep habarlaıdy aqshamnews.kz
Oqý jyly 2025 jylǵy 1 qyrkúıekten bastap 2026 jylǵy 25 mamyrǵa deıin.
Qazaqstan Respýblıkasy Oqý-aǵartý mınıstri 2025 jylǵy 5 tamyzdaǵy buıryǵymen 2025-2026 oqý jylynyń bastalý jáne aıaqtalý merzimderin, sondaı-aq orta bilim berý uıymdarynda bilim alýshylardyń qorytyndy attestasıasyn ótkizý merzimderin aıqyndady.
1-11 (12) synyptarda oqý jyly ishinde toqsandardyń jáne demalystardyń uzaqtyǵy:
1-toqsan – 8 oqý aptasy, kúzgi demalys – kúntizbelik 7 kún (2025 jylǵy 27 qazannan bastap 2 qarashany qosa alǵanda);
2-toqsan – 8 oqý aptasy, qysqy demalys – kúntizbelik 10 kún (2025 jylǵy 29 jeltoqsannan bastap 2026 jylǵy 7 qańtardy qosa alǵanda);
3-toqsan – 10 oqý aptasy, kóktemgi demalys – kúntizbelik 11 kún (2026 jylǵy 19-29 naýryzdy qosa alǵanda);
1-synyptarda qosymsha demalys – kúntizbelik 7 kún (2026 jylǵy 9-15 aqpandy qosa alǵanda):
4-toqsan – 8 oqý aptasy.
Qorytyndy attestasıa merzimderi:
9 (10)-synyp oqýshylary úshin qorytyndy bitirý emtıhandary – 2026 jylǵy 29 mamyrdan bastap 11 maýsym aralyǵynda;
11 (12)-synyp oqýshylary úshin memlekettik bitirý emtıhandary – 2026 jylǵy 2-15 maýsym aralyǵynda.
Emtıhandar kestesi:
9 (10)-synyp oqýshylary úshin:
matematıka (algebra) boıynsha jazbasha emtıhan – 2026 jylǵy 29 mamyr;
tańdaý páni boıynsha jazbasha emtıhan (fızıka, hımıa, bıologıa, geografıa, geometrıa, Qazaqstan tarıhy, dúnıejúzi tarıhy, ádebıet (oqytý tili boıynsha), shet tili (aǵylshyn/fransýz/nemis), ınformatıka) – 2026 jylǵy 3 maýsym;
qazaq tili/orys tili jáne uıǵyr/tájik/ózbek tilinde oqytatyn mektepterde ana tili (oqytý tili) boıynsha esse túrindegi jazbasha emtıhan, al gýmanıtarlyq sıkl pánderin tereńdetip oqytatyn mektepterde – maqala, áńgime nemese esse jazý – 2026 jylǵy 8 maýsym;
orys/ózbek/uıǵyr/tájik tilinde oqytatyn synyptarda qazaq tili men ádebıeti, qazaq tilinde oqytatyn synyptarda orys tili men ádebıeti páninen jazbasha emtıhan – 2026 jylǵy 11 maýsym.
11 (12) synyptar:
Qazaqstan tarıhy páninen aýyzsha emtıhan – 2026 jylǵy 2 maýsym;
algebra jáne analız bastamalary páninen jazbasha emtıhan – 2026 jylǵy 5 maýsym;
qazaq tili/orys tili jáne uıǵyr/tájik/ózbek tilinde oqytatyn mektepterde ana tili (oqytý tili) páninen jazbasha emtıhan – 2026 jylǵy 9 maýsym;
tańdaý páninen (fızıka, hımıa, bıologıa, geografıa, geometrıa, dúnıejúzi tarıhy, quqyq negizderi, ádebıet (oqytý tili boıynsha), shet tili (aǵylshyn/fransýz/nemis), ınformatıka) jazbasha emtıhan – 2026 jylǵy 12 maýsym;
ózbek/uıǵyr/tájik/orys tilinde oqytatyn synyptarda qazaq tili men ádebıeti, qazaq tilinde oqytatyn synyptarda orys tili men ádebıeti páninen jazbasha emtıhan – 2026 jylǵy 15 maýsym.