Taıland pen Indonezıada tabıǵı apat saldarynan qaza tapqandar sany 500-ge jetti. Memleket basshysy Qasym-Jomart Toqaev eki el halqyna kóńil aıtty, - dep habarlaıdy aqshamnews.kz tilshisi.
24.kz málimetinshe, Taılandtyń ońtústigi de sý tasqynynan qatty zardap shekti. Bul elde tabıǵat apatynan 162 adam kóz jumdy. Eń kóp shyǵyn Sangkhla provınsıasynda tirkeldi. Onda 126 adam opat boldy. Jalpy tasqynnan 3 mıllıonnan astam turǵyn japa shekti. Toǵyz provınsıany sý basyp, myńdaǵan adam qaýipsiz jerge kóshirilgen. Keı aýdandarǵa azyq-túlik pen dári-dármek tikushaqpen jetkizilip jatyr.
"Indonezıada sý tasqyny men kóshkin saldarynan opat bolǵandar sany 303-ke jetti. Taǵy 200-ge jýyq adam iz-tússiz joǵalǵan. Qıraǵan joldar izdestirý-qutqarý jumystaryn qıyndatyp otyr. Bıik jotadan aqqan laı men tastardyń astynda qalyp qoıǵan adam kóp. Apat aımaqtaryna kómek tikushaq arqyly jetkizilip jatyr", - delingen habarlamada.
Memleket basshysy Indonezıa Prezıdenti men Taılandtyń Premer-mınıstrine kóńil aıtý jedelhattaryn joldady.
Qasym-Jomart Toqaev atalǵan elderdiń aýmaǵynda bolǵan sý tasqyny saldarynan kóptegen adamnyń qaıtys bolýyna baılanysty Indonezıa prezıdenti Prabovo Sýbıantoǵa jáne Taıland premer-mınıstri Anýtın Charnvırakýlǵa kóńil aıtty.