Almaty ákímí Darhan Satybaldy jūmys saparymen "Rahat-Mádenıet" shaǵynaudanyna baryp, ınjenerlík jelílerdí damytu jobasynyń júzege asyryluymen tanysty. Jūmystardyń jalpy kólemí 131,72 shaqyrys su jáne káríz jelíleríníń qūrylysyna baǵyttalǵan.
Búgíngí tańda 65,5 shaqyrym su jelísí men 55,4 shaqyrym káríz jelísí ayaqtaldy. Jobanyń júzege asyryluy shaǵynaudandy ortalyqtandyrylǵan sumen jabdyqtau jáne káríz júıesímen 100 paıyz qamtamasyz etuge, 2 882 abonenttí qosuǵa jáne 14 528 tūrǵyndy ınjenerlík qyzmettermen qamtuǵa múmkíndík beredí. Jūmys tolyq ayaqtalǵan aumaqtarda joldardy asfalttau bastaldy. Jol qūrylysy jūmystarynyń negízgí bólígí kelesí jylǵa josparlanǵan.
Kezdesu barysynda tūrǵyndar emhananyń alystyǵy, Úlken Almaty kanalynyń (BAK) arnasyn kóríktendíru, sondaı-aq jańa qoǵamdyq keńístíkterdí qūru qajettílígí jóníndegí máselelerdí kóterdí. Qala ákímí tıístí basqarmalarǵa árbír máselení jan-jaqty pysyqtap, sheshu boıynsha ūsynystar engízudí tapsyrdy. Darhan Satybaldy qalanyń barlyq audandarynda teń árí jaıly jaǵdaı jasau — basty míndetterdíń bírí ekenín atap óttí.