Keltirilgen shyǵyn 52 mıllıon dollar dep baǵalandy.
Ońtústik Afrıka Respýblıkasyndaǵy Kvazýlý-Natal provınsıasyndaǵy sý tasqyny saldarynan kem degende 341 adam qaza tapty, dep habarlaıdy Almaty-akshay.kz Interfax.ru silteme jasap.
Jergilikti bılik qurbandar sany artady dep boljap otyr, óıtkeni qazirge deıin ondaǵan adam iz-túzsiz joǵalyp ketken. Qutqarý operasıasyna kómektesý úshin Ońtústik Afrıkanyń ulttyq qorǵanys kúshteri tartyldy.
Etekvını qalasynyń gýbernatory Mksolosı Kaýnda sý tasqynynan mýnısıpalıtet pen kórshi Dýrban qalasyna keltirilgen shyǵyn 52 mıllıon dollar dep baǵalady.Tabıǵat saldarynan Dýrban men Etekvını qalalarynda sý men elektr qýaty úzildi, olardy qalpyna keltirý keminde bir aptaǵa sozylady. Jańbyr jalǵasady dep kútilýde.
Buǵan deıin Dýrbandaǵy sý tasqyny saldarynan 306 adamnyń qaza tapqany habarlanǵan bolatyn. Sınoptıkterdiń málimetinshe, Kvazýlý-Nataldyń keıbir óńirlerinde 48 saǵat ishinde 450 mm-den astam jaýyn jaýǵan, bul jyldyq kórsetkishpen salystyrǵanda 1009 mm.