Bostandyq aýdanyndaǵy №90 balabaqshada ótken «Men ónerli balamyn» atty merekelik keshti tamashalaǵandar kishkentaı ónerpazdardyń ónerine tánti boldy. Áste, «ónerliniń órisi keń» degen támsil tegin aıtylmasa kerek. Balalardyń biri án salsa, biri bı bılep, endi biri taqpaq oqyp keshtiń kórigin kirgizdi. Kesh baǵdarlamasy da óte tartymdy uıymdastyrylǵan.
Bul rette is-sharanyń «rejıseri» mýzykalyq jetekshi Dıana Bahytjanqyzynyń qoltańbasy aıqyn seziledi. Búldirshinderdi ónerge baýlyp, sahnaǵa daıyndaǵan S.Saýrbaeva, N.Kolhozbekova, N.Qaıkenova, H.Arystan, A.Dúısembaeva syndy tárbıeshilerdiń eńbegin de atap ótken oryndy. Al keshtiń júrgizýshisi Gúldana Ahaeva merekelik keshtiń mazmundy ótýine zor úles qosty.
Shara sońynda №90 balabaqsha meńgerýshisi Gúlimjan Smaılqyzy qoldaý kórsetken ata-analar men pedagogtar eńbegine alǵys bildirdi. Merekelik kesh kishkentaı ónerpazdardyń shyǵarmashylyq qabiletin damytyp, olardyń óner álemindegi qadamyna aınaldy.