«Almaty» áleýmettik-kásipkerlik korporasıasy qala turǵyndary men qonaqtaryna osy aptada, Jańa jyl merekeleri qarsańynda, Áýezov jáne Bostandyq aýdandaryndaǵy demalys kúnderi ótetin jármeńkelerdiń keńeıtilgen formatta — juma, senbi jáne jeksenbi kúnderi jumys isteıtinin eske salady.
Keńeıtilgen jumys kestesi qala turǵyndaryna 09:00-den 18:00-ge deıin 1 000-nan astam ónim túrin, onyń ishinde jańa pisken kókónister men jemis-jıdekterdi, et jáne sút ónimderin, sondaı-aq áleýmettik mańyzy bar azyq-túlik taýarlaryn qoljetimdi baǵamen satyp alýǵa múmkindik beredi. Bul merekege daıyndyq kezeńinde óte mańyzdy.
Qalanyń ózge aýdandarynda demalys kúnderi ótetin jármeńkeler ádettegi eki kúndik rejımde jumysyn jalǵastyrady. Jármeńkeler ótetin mekenjaılar:
- Áýezov aýdany — Ótegen batyr kóshesi (Abaı dańǵylynan tómen);
Bostandyq aýdany — «Qazaqfılm» shaǵynaýdany (ál-Farabı dańǵylynan joǵary); - Almaly aýdany — Masanchı kóshesi (Áıteke bı men Gogol kósheleriniń arasy);
- Almaly aýdany — Jambyl men Áýezov kósheleriniń qıylysy;
- Medeý aýdany — Meńdiqulov býlvary — Bekturov kóshesi;
- Jetisý aýdany — Qulager shaǵynaýdany, Serikov kóshesi, 2.
Apta saıyn demalys kúnderi ótetin jármeńkelerge shamamen 50 myń adam keledi, onda 328 fermer men aýyl sharýashylyǵy taýaryn óndirýshi ónimin usynady.
Jyl basynan beri jármeńkeler arqyly 9 myń tonna azyq-túlik ónimi satyldy.