Qaladaǵy 60 kásiporyn bos jumys oryndaryn usyndy, dep habarlaıdy aqshamnews.kz
Jármeńkeni qalalyq Jastar saıasaty basqarmasy men Eńbek mobıldiligi ortalyǵy uıymdastyrdy.
Jármeńkege qatysqan 60 kásiporyn 1 000-nan astam bos jumys ornyn usyndy. 
Jumys izdeýshiler óz túıindemelerin usynyp, jumys berýshilermen kezdesip, jumys sharttaryn talqylady.
– Bul jármeńke jas mamandarǵa da, aǵa býyn ókilderine de arnalǵan. Eń tanymal baǵyttar: bilim berý jáne tárbıe, medısına jáne farmasevtıka, óndiris, biliktilikti talap etpeıtin kásipter, býhgalterlik esep jáne aýdıt, – dep atap ótti Almaty Qalalyq karera ortalyǵynyń jetekshisi Ádilet Janabaev.
Tipti, Qaraǵandy oblysyndaǵy qoǵamdyq qorlardyń biri barlyq nıet bildirýshilerdi óz óńirine jumysqa shaqyrdy.
– Biz Qaraǵandy oblysyndaǵy mektepterde muǵalim bolyp jumys isteýge ýnıversıtet túlekteri men tájirıbeli mamandardy tartamyz. Konkýrs aǵymdaǵy jyldyń 31 qazanyna deıin jalǵasady, – dep málimdedi qordyń rekrýtıng mamany Ádına Ýálıeva.
