2025 jyldyń 16 mamyrynda bastalǵan negizgi UBT bastalǵannan beri 164 myńnan astam testileý ótkizildi. Talapkerlerdiń 74%-y testileýdi qazaq tilinde, 26%-y orys tilinde jáne 136 adam aǵylshyn tilinde tapsyrdy.
Úshinshi aptanyń qorytyndysy boıynsha talapkerlerdiń 69%-y shekti bal jınady. Bes pán boıynsha ortasha bal 65-ti qurady. Eń joǵary nátıje – 140 bal – Túrkistan oblysynan Ábilhan Jánibek birinshi aptada kórsetti, dep habarlaıdy aqshamnews.kz.
Oqý-aǵartý mınıstrliginiń málimetinshe, qazirgi tańda testke qatysýshylardyń basym bóligi, atap aıtqanda, 18%-y «Matematıka-Fızıka», 15%-y «Bıologıa-Hımıa» pánder kombınasıasyn tapsyrdy. 14%-y «Shyǵarmashylyq emtıhan» kombınasıasyn tańdaǵan.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa 477 talapker qatysqanyn aıta ketken jón.
Talapkerlerdiń test tapsyrmalarynyń mazmuny boıynsha testileý aıaqtalǵannan keıin 30 mınýt ishinde apelásıaǵa berý quqyǵy bar. Tehnıkalyq sebepter boıynsha apelásıa tikeleı testileý kezinde qabyldanady. Nátıjeleri bar sertıfıkattar apelásıa qarastyrylǵannan keıin jeke kabınetterde qoljetimdi bolady.
UBT-ny ótkizýdiń úsh aptasynda 206 ereje buzýshylyq anyqtaldy. 98 talapker smartfondardy, shpargalkalardy jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 108 adam testileý kezinde erejelerdi buzǵany úshin aýdıtorıadan shyǵaryldy, olardyń nátıjeleri joıyldy. Ózge adamdardyń ornyna kirý faktileri anyqtalǵan joq..
2025 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda UBT nátıjeleri joıylady.
Esterińizge sala ketsek, testileýge qatysýǵa 216 myń talapkerden 399 myńǵa jýyq ótinish kelip tústi.