Nazym Qyzaıbaı Parıj Olımpıadasyn qola júldemen aıaqtady.
Qazaqstan Ulttyq Olımpıadalyq komıtetiniń prezıdenti Golovkın Nazym Qyzaıbaıdy quttyqtady, dep habarlaıdy aqshamnews.kz
"Nazymdy Olımpıada oıyndarynyń qola medalimen quttyqtaımyn!
Nazym uzaq jyldar boıy elimizdegi áıelder boksynyń jarqyn ókili ári komandanyń kóshbasshysy bolyp keledi.
Óziniń alǵashqy Olımpıadasyna qatysqanyna qaramastan, ol álemdegi eń myqty sportshylardyń qatarynan ekenin taǵy bir dáleldedi. Sizdiń bul jetistigińiz kóptegen jas atletke jiger syılap, eńbek pen tózimniń aqtalatynyna shynaıy úlgi bolsyn dep tileımin.
Qazaqstan Ulttyq Olımpıadalyq komıtetiniń atynan Nazym men onyń bapkeri Dolkýnjan Kamekovty jáne barsha qazaqstandyqtardy Olımpıada medalimen quttyqtaımyn!", - delingen jedelhatta.