Eki tonnadan astam naýryzkóje ázirlendi.
Astanada Naýryz merekesine oraı ázirlengen ulttyq taǵam rekord ornatty, dep habarlaıdy Almaty-akshamy.kz Astana ákimdigine silteme jasap.
Astanada rekordty 2 100 lıtr kóleminde naýryz kóje daıyndaldy. Qazaqstan rekordy ornatylǵanyn kýálandyratyn sertıfıkat Astana ákimdigine jáne Baıqońyr aýdanynyń ákimdigine berildi.
Ulttyq dámdi daıyndaýǵa aspazshylar bir kúnin arnaǵan. Oǵan júzdegen keli bıdaı, kúrish jáne et jumsaldy. Keıin daıyn ónim Atatúrik saıabaǵyna kelgen jurtshylyqqa usynyldy.
«Eki tonnadan astam naýryzkóje — absolútti rekord. Buryn bul kórsetkish túrkistandyqtarǵa tıesili bolatyn. Eki jyl buryn olar 2 myń lıtr naýryzkóje pisirgen. Búgin bul rekord resmı túrde jańartyldy», dedi Gınnes rekordtarynyń Qazaqstan óńirlik kitabynyń resmı ókili Qýandyq Qudaıbergenov.
Aspazshy Gúlnár Jumabekovanyń aıtýynsha, naýryz kóje kólemi 60-tan 150 lıtrge deıingi bas-aıaǵy 10 qazanda daıyndalǵan. Al osydan keıin olar 95 lıtr bolatyn 20 bıdonǵa quıyldy.