1 mamyrda iske qosylýy tıis «Naýryz» ıpotekasynyń birqatar sharttary belgili boldy, dep habarlaıdy almaty-akshamy.kz.
Ázirge belgili sharttary mynadaı: Mólsherlemesi: áleýmettik osal toptarǵa 7 paıyz bolsa, qalǵan turǵyndar 9 paıyzben alady.
Bastapqy jarna 20 paıyzdan bastalady.
Nesıe merzimi – 19 jyl. Almaty, Astana, Shymkent jáne oblys ortalyqtarynda qaryzdyń shekti somasy anyqtalmady. Biraq «Otaýdaǵydan» joǵary bolýy múmkin.
Qatysýshynyń atynda sońǵy bes jylda jyljymaıtyn múlik bolmaýy kerek, otbasy músheleri (jubaıy, balalary) de úımen baılanysty mámile jasamaýy qajet.
Krisha.kz málimetinshe, bul turǵyn úı baǵdarlamasymen Astana, Almaty, Shymkent jáne oblystyq mańyzy bar qalalarda tek jańa úıden páter qaraýǵa ruqsat beriledi.
«Naýryz» ıpotekasynyń «Otaýdan» eki aıyrmashylyǵy bar:
1. Kez kelgen ýaqytta ashylǵan depozıtpen úmitker atanýǵa múmkindik bar. Alaıda shotta kem degende 1 mln teńge bolýǵa tıis.
2. Áleýmettik osal topqa kiretin turǵyndar 7 paıyzben rásimdeıdi.
Bıyl bank «Naýryz» baǵdarlamasyna 1 mamyrdan ótinim qabyldaıdy, al keıingi jyldary bul proses onyń ataýyna sáıkes kóktemniń alǵashqy kúni bastalady.