Grýzıanyń Shaltýbo qalasynda Qyzdarǵa arnalǵan Eýropalyq matematıkalyq olımpıada EGMO-2024 bastaldy.
Jarysqa álemniń 60 elinen 240 oqýshy qatysýda, dep habarlaıdy Almaty-akshamy.kz Oqý-aǵartý mınıstrligine silteme jasap.
Qazaqstan namysyn tórt oqýshy jáne eki jetekshi qorǵaıdy. Olar:
Amıra Kenbaeva - Almaty qalasyndaǵy fızıka-matematıka baǵytyndaǵy NZM-niń 11 synyp oqýshysy;
Arýjan Batyrhan - Almaty qalasyndaǵy Respýblıkalyq fızıka-matematıka mektebiniń 9 synyp oqýshysy;
Anastasıa Odınsova - Daryndy balalarǵa arnalǵan №8 lıseı-mektebiniń 11 synyp oqýshysy;
Araı Kasenova - Haileybury Almaty 11 synyp oqýshysy.
Aıta ketsek, alǵash ret EGMO 2012 jyly Kembrıdjde (Ulybrıtanıa) ótti. Qazaqstan Respýblıkasynyń qurama komandasy Olımpıadaǵa 2017 jyldan beri qatysyp keledi. Osy jyldary olar 3 altyn, 9 kúmis, 10 qola jáne 4 qurmet gramotasyn jeńip aldy.