Aýdanda oqýshy oryndarynyń tapshylyǵyn azaıtý maqsatynda jumystar jasalyp jatyr.
Jańa oqý jylynda "Qalqaman" shaǵynaýdanynda 1 800 oryndyq jáne "Qarǵaly" shaǵynaýdanynda 600 oryndyq jeke menshik mektep ashyldy, dep habarlaıdy Almaty-akshamy.kz
Jyl sońyna deıin taǵy 2 mektep ashylady. Atap aıtqanda, qarasha aıynda "Qalqaman" shaǵynaýdanynda 1 500 oryndyq jáne jeltoqsanda «Alma Sıtı – 5» aýmaǵynda 1 200 oryndyq mektep (satyp alý rásimderi júrip jatyr).
Sonymen qatar, "Shuǵyla" shaǵynaýdanynda Qazaq Stroy kompanıasy «Álem Sıtı» (daıyndyǵy - 60%) jáne «Alma Sıtı – 4» (10%) aýmaǵynda 2 400 oryndyq eki mektep salyp jatyr. Qurylys 2023 jyldyń III toqsanynda aıaqtalady.
Jyl sońyna deıin "Shuǵyla" shaǵynaýdanynda № 174 mektepke 375 oryndyq qosymsha qurylystyń jobalaý-smetalyq qujattamasy aıaqtalyp, memlekettik saraptamaǵa jiberiletin bolady. Saraptama qorytyndysy shyǵyp, konkýrstyq rásimder aıaqtalǵannan keıin, 2023 jyldyń II toqsanynda qurylysyn bastaý josparlanýda.
"Quramys" shaǵynaýdanyndaǵy 1 500 oryndyq jáne "Shuǵyla" shaǵynaýdanyndaǵy 2 000 oryndyq eki mekteptiń jobalaý-smetalyq qujattamasy ázirlenip, 2023 jyldyń I toqsanynda memlekettik saraptamaǵa jiberiledi. Qurylysy 2023 jyldyń III toqsanynda bastalady.
Sondaı-aq "Shuǵyla" shaǵynaýdanyndaǵy eski №15 mektep-ınternat jáne «Nurly dala» turǵyn úı kesheniniń aýmaǵyndaǵy eki mekteptiń jobalaý-smetalyq qujattamasyn ázirleýge konkýrs jarıalaý úshin qujattama daıyndalýda.
Osy jyldyń basynan bastap balabaqshadaǵy oryn tapshylyǵyn azaıtý maqsatynda 700 oryndyq 12 jeke menshik balabaqsha ashyldy.
Sondaı-aq "Shuǵyla" shaǵynaýdanynda 320 oryndyq jańa balabaqsha qurylysy bastaldy. 2023 jyldyń shilde aıynda aıaqtalady. Jańa jobalardy ázirleý jalǵasýda.
«Nurly Dala» turǵyn úı kesheniniń aýmaǵynda 320 oryndyq balabaqshanyń jobalaý-smetalyq qujattamasynyń qunyna qatysty eskertýlerdi nazarǵa ala otyryp, 2023 jylǵy aqpanda memlekettik saraptamaǵa qaıta jiberiledi (2023 jylǵy sáýir, qurylys-montajdaý jumystary – 2023 jyldyń III toqsanynda bastalady). Sonymen qatar "Quramys" shaǵynaýdanyndaǵy 320 oryndyq, "Shuǵyla" shaǵynaýdanyndaǵy 320 oryndyq jáne "Qalqaman" shaǵynaýdanyndaǵy 240 oryndyq úsh balabaqshanyń jobalaý-smetalyq qujattamasy ázirlenýde (memlekettik saraptama 2023 jyldyń III toqsanynda jasalyp, qurylys-montajdaý jumystary IV toqsanda bastalady). Turǵyndardyń ótinishi boıynsha balalardy qosymsha oqytýmen qamtý úshin "Shuǵyla" shaǵynaýdanynda apta saıyn 5 myńnan astam bala qatysa alatyn kópsalaly ınovasıalyq shyǵarmashylyq ortalyqtyń (Oqýshylar saraıynyń) qurylysy qarqyndy júrip jatyr. Nysandy 2023 jyldyń II toqsanynda ashý josparlanǵan», - dedi qala basshysy Erbolat Dosaev búgingi kezdesýde.