Bilim jáne ǵylym mınıstri Asqat Aımaǵambetov barsha qazaqstandyqtardy Naýryz merekesimen quttyqtady, dep habarlaıdy Almaty-akshamy.kz.
Ulystyń uly kúni – Naýryz meıramy qutty bolsyn! Naýryz – tarıhy men maǵynasy tereń, erekshe mereke. Naýryz – ol jyl basy, kún men túnniń teńeletin, tirshilik álemniń qaıta túleıtin, aqtyń molaıatyn, jaryqtyń uzaratyn kóktem merekesi. Bul meıram – dostyq pen birliktiń, jańarýdyń, yntymaq pen meıirimdiliktiń nyshany, - dedi elimizdiń bas ustazy.
Sondaı-aq vedomstvo basshysy Ulystyń uly kúni barynsha keshirimdi bolyp, meıirimdilik tanytý mańyzdy dep sanaıdy.
Sol sebepti bul kúni jaqsy tilek aıtyp, keshirimdi bolý jáne meıirimdilik tanytý óte mańyzdy, - dep atap ótti mınıstr Aımaǵambetov.