Ǵarysh kemesi óte joǵary jyldamdyqpen shamamen 40 myń km/saǵ-pen ushty.
AQSH-tyń NASA ǵarysh agenttigi Aıdyń orbıtasynda 26 kúndik mısıadan keıin «Orıon» kapsýlasynyń jańa býynyn synaqtan ótkizýdi aıaqtady, dep habarlaıdy Almaty-akshamy.kz QazAqparatqa silteme jasap.
Ekıpajsyz testilik ǵarysh kemesi Tynyq muhıtyna Meksıkanyń Gvadelýpa aralyna jaqyn jerge sátti qondy.
Aı orbıtasynan qaıtyp kele jatyp, ǵarysh kemesi óte joǵary jyldamdyqpen shamamen 40 myń km/saǵ-pen ushty.
Atmosferamen baılanysta bolǵan kezde ǵarysh kemesiniń qaptamasy Selsıı boıynsha 3 myń gradýsqa jetti.
Ashylǵan 11 kapsýla parashúti «Orıonnyń» jylý qalqany jaqsy jumys istegenin kórsetedi.
NASA ókilderi jeksenbide «Orıonnyń» Jerge oralýyn birinshi kezektegi mindet dep atady.
Bul 2024 jyldyń sońynda bastalatyn jáne aı betine saıahatty qamtıtyn kúrdeli mısıalardy bastaıdy.
Sońǵy ret mundaı sapardy 50 jyl buryn «Apolon-17» ekıpajy jasaǵan. Agenttiktiń jańa jobasy grek mıfologıasyndaǵy Apolonnyń ápkesiniń qurmetine «Artemıda» dep ataldy.
NASA ákimshisi Bıll Nelson ǵarysh agenttigi Aıǵa oralyp, sodan keıin ǵaryshqa zertteý júrgizý úshin sapar shegetinin habarlady.
Agenttik 2030 jyldardyń sońyna qaraı astronavtardy Marsqa ushyrýdy josparlap otyr.