Toqaevtyń jaqtastary Aqtóbe oblysynyń turǵyndarymen kandıdattyń saılaý aldyndaǵy baǵdarlamasynyń basymdyqtaryn talqylady
Prezıdenttikke kandıdat Qasym-Jomart Toqaevty qoldaý jónindegi Respýblıkalyq qoǵamdyq shtabtyń músheleri Aqtóbe oblysynyń turǵyndarymen birqatar kezdesý ótkizdi.
Aqtóbe rels-arqalyq zaýytynyń eńbek ujymymen kezdesýde kandıdattyń saılaý aldyndaǵy baǵdarlamasynda kórsetilgen el ónerkásibin damytýǵa arnalǵan sharalar talqylandy.
«Aqtóbe oblysy – elimizdegi mańyzdy ındýstrıaldy óńir. Eńbek adamdary, sondaı-aq, jaýapty, eńbeksúıgish, patrıot aqtóbelikter oblystyń ósip-órkendeýiniń negizi ekeni sózsiz. Sizder árdaıym elimizdegi reformalardy, beıbitshilikti jáne turaqtylyqty qoldap keldińizder. Sondyqtan aldaǵy prezıdent saılaýynda, el damýyndaǵy osyndaı jaýapty kezeńde óńir turǵyndary durys tańdaý jasaıdy dep senemiz», – dedi Respýblıkalyq qoǵamdyq shtab delegasıasynyń basshysy Máýlen Áshimbaev.
Aqtóbe oblysynyń jurtshylyǵymen kezdesýge 350-den astam adam qatysty. İs-sharada RQSH músheleri saılaý aldyndaǵy baǵdarlamanyń óńirlik ınfraqurylymdy jaqsartý jáne jumys oryndaryn ashý máselelerine arnalǵan baǵyttaryna nazar aýdardy.
Shtab músheleri Q.Jubanov atyndaǵy ýnıversıtette joǵary oqý ornynyń ǵalymdarymen jáne oqytýshy-professorlar quramymen kezdesti. Kezdesýde saılaý aldyndaǵy baǵdarlamadaǵy ǵylymdy qoldaýǵa arnalǵan naqty sharalar talqylandy.