SHQO-da kolejdiń 16 jasar stýdentinen tegis uńǵyly myltyq tárkilendi
Kámeletke tolmaǵan bala 2021 jyldyń qazan aıynda úıiniń shatyrynan qapqa oralǵan myltyq taýyp alǵanyn anasyna aıtyp bergen. Polıseıler áleýmettik jelilerdi tekserý barysynda qarýdy zańsyz saqtaǵan jasóspirimdi anyqtaǵan, ol óz akkaýntynda myltyqpen túsken sýretin júktep qoıǵan, dep habarlaıdy Almaty-akshamy.kz altaynews.kz saıtyna silteme jasap.
Meken-jaıǵa kelgen polıseıler kámeletke tolmaǵan balanyń úıinen osy myltyqty tárkilegen. Sarapshynyń qorytyndysyna sáıkes, bul qarý 12 kalıbrli ańshylyq patrondarmen atý úshin jaramdy jáne 12 kalıbrli tegis uńǵyly atys qarýy bolyp tabylady.
«QR İİM BDB bazasynyń esebi boıynsha atalǵan myltyq tirkelgen jáne krımınaldyq qarý retinde kórsetilmeıdi. Kámeletke tolmaǵan 37 jastaǵy anasyna qatysty QR ÁQBtK - niń 482-babynyń 1-bóligi «jeke jáne zańdy tulǵalardyń qarýdy zańsyz ıelenýi, berýi, ótkizýi, saqtaýy, alyp júrýi, tasymaldaýy» boıynsha ákimshilik hattama toltyrylyp, onyń sanksıasymen 20 AEK mólsherinde ákimshilik aıyppul kózdelgen», - dep habarlaıdy SHQO PD baspasóz qyzmeti.
Aıta keteıik, oblys aýmaǵynda «Quqyqtyq tártip» respýblıkalyq jedel-aldyn alý is-sharasy ótip jatyr.
İs-shara bastalǵannan beri zańsyz alyp júrý men saqtaýdyń 10 faktisi anyqtaldy.