Pavlodar oblysy TJD Azamattyq qorǵanys basqarmasy muz astynan balyq aýlaý qaýipti ekenin eskertedi, dep habarlaıdy almaty-akshamy.kz
Sý aıdyndaryndaǵy qaýipsizdik erejelerine sáıkes muzda qaýipsiz bolý muzdyń qalyńdyǵy oǵan túsetin salmaqqa sáıkes bolyp tabylady. Bul rette muzdyń qaýipsiz qalyńdyǵy bir adam úshin keminde 10 santımetrdi, buqaralyq sporttyq jáne merekelik is-sharalardy jáne avtokólik ótkelderin uıymdastyrý úshin keminde 25 santımetrdi quraıdy.
Muzda bolǵan kezde ruqsat etilmeıdi:
1) muzdyń juqa jáne berik emes jerlerine shyǵý;
2) muzdyń jekelegen (qaýipti) ýchaskelerinne top bolyp jınalyp shyǵýǵa;
3) muzdaǵy oıyqtarǵa, jaryqtarǵa jaqyndaý;
4) ótkelder úshin bólingen oryndardyń shekarasynan tys kólik quraldarymen muzǵa shyǵýǵa;
5) ot jaǵýǵa;
6) eki oıyqty 20 santımetrden az qashyqtyqta, al eki oıyq basqa jup oıyqtan 2 metrden az qashyqtyqta tesý;
7) muzda jabdyqtar men qoqystardy qaldyrýǵa.