Qazaqstan ıadrolyq qaýipsizdik qaǵıdattaryn árdaıym berik ustanady. Bul týraly Almaty-akshamy.kz Inform.kz-ke silteme jasap.
«Búgin – Iadrolyq synaqtarǵa qarsy halyqaralyq is-qımyl kúni. Bul kúnniń búkil adamzat úshin mán-mańyzy aıryqsha. Qasıetti qazaq jeri atom synaǵynan orasan zor zardap shekti. Mundaı qasiret eshqashan qaıtalanbaýy kerek. Qazaqstan ıadrolyq qaýipsizdik qaǵıdattaryn árdaıym berik ustanady», - dedi Memleket basshysy.
Eske salaıyq, búgin – BUU deńgeıinde Iadrolyq qarýdan bas tartý kúni. BUU Bas Assambleıasy Iadrolyq synaqtarǵa qarsy is-qımyldyń halyqaralyq kúnin Qazaqstan bastamasymen jarıalanǵan bolatyn.
Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi men Iadrolyq synaqtarǵa jappaı tyıym salý týraly shart uıymynyń Atqarýshy hatshysy Robert Floıd osy dataǵa oraı birlesken málimdeme tartty. Onda barlyq memleketti ıadrolyq jarylystarǵa moratorııdi saqtaýdy jalǵastyrýǵa shaqyrdy.