2025 jyldyń 3 aqpanynda Almaty qalasyndaǵy «Dostyq úıinde» kórnekti jazýshy, Qazaqstannyń Halyq jazýshysy, Memlekettik syılyqtyń ıegeri Muhtar Maǵaýınniń 85 jyldyq mereıtoıyna arnalǵan «Muhtar Maǵaýın – Uly jazýshy, ǵulama tarıhshy» atty respýblıkalyq ǵylymı-tájirıbelik konferensıa ótti, dep habarlaıdy aqshamnews.kz
Konferensıany Qazaqstan Jazýshylar odaǵynyń tóraǵasy Mereke Qulkenov ashyp, Muhtar Maǵaýınniń qazaq ádebıeti men rýhanıatyna qosqan úlesi týraly aıtty.
İs-sharada belgili qalamgerler men ǵalymdar jazýshynyń shyǵarmashylyǵyna taldaý jasap, onyń qazaq tarıhyn kórkemdik sheberlikpen beıneleýdegi rólin atap ótti.
Sonymen qatar, aqyndar Ulyqbek Esdáýlet, Aqushtap Baqtygereeva, jazýshy Zeınep Ahmetova, qoǵam qaıratkeri Asyly Osman jáne basqa da tulǵalar júrekjardy lebizderin bildirdi.
Konferensıada aqyndar Qorǵanbek Amanjol men Baqytbek Bámishuly arnaý óleńderin oqyp, ánshi Nurgúl Álqoja «Eski jurt» tolǵaýyn oryndady. Kúıshi Shámil Ábiltaev «Aqsaq qulan» jáne «Qýbas» kúılerin tartý etti.
Sharada Muhtar Maǵaýın atyndaǵy shyǵarmashylyq ortalyq ashý, eskertkish ornatý jáne onyń ádebı murasyn jańǵyrtý usynyldy. Sonymen qatar jazýshynyń ómiri men shyǵarmashylyǵyna arnalǵan beınematerıaldar kórsetildi.
Konferensıa Maǵaýınniń ulttyq rýhanıattaǵy ornyn aıqyndap, onyń shyǵarmashylyǵynyń bolashaq urpaq úshin qundy mura bolyp qalatynyn dáleldedi.