Endi moped júrgizýshileri tolyqqandy jol qozǵalysyna qatysýshylarǵa teńestirildi, olar kólikterin tirkep, A1 sanatynyń kýáligin alýy qajet.
İİM mopedterdi tirkeý úshin qujattar tizbesin aıqyndaıtyn Kólik quraldarynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý qaǵıdalaryna ózgerister engizildi, dep habarlaıdy aqshamnews.kz
Mopedti tirkeý úshin ıesi (ıesiniń ókili) myna qujattardy usynýy kerek:
jeke basyn kýálandyratyn qujat (sáıkestendirý maqsatynda) nemese sıfrlyq qujattama qyzmetinen elektrondy túrde;
Salyq kodeksiniń 553 jáne 615-baptarynda kózdelgen kólik quralyn tirkeý týraly kýálik, memlekettik tirkeý nómirlik belgisi bergeni úshin tirkeý alymy men memlekettik bajdyń tólengenin rastaıtyn qujattar;
mopedti memlekettik tirkeý týraly ótinish;
tehnıkalyq qujat (bar bolsa) nemese mopedtiń tehnıkalyq sıpattamalary týraly aqparat;
mopedke sáıkestendirý nómiri bolmaǵan jaǵdaıda, sáıkestendirý nómirin tirkeý is-sharalary júrgizilgenge deıin moped ıesiniń ótinishi boıynsha ýákiletti organ beredi;
kólik quralyn tekserý aktisi (kólik quralyn bastapqy tirkeý kezinde);
aldyńǵy kólik quralyn tirkeý týraly kýálik jáne memlekettik tirkeý nómirlik belgisi (bar bolsa);
menshik ıesiniń ókili júgingen jaǵdaılarda kelisim nemese senimhat.
Kólik quralynyń sáıkestendirý nómirin paıdalana otyryp, kólik quraldarynyń jekelegen túrlerin memlekettik tirkeý, esepke alý jáne esepten shyǵarý úshin qajetti qujattar tizbesine de osyndaı tolyqtyrý engizildi.
Buıryq 2025 jyldyń 5 sáýirinen bastap kúshine enedi.
Eske salaıyq, mehanıkalyq kólik quralyn (bastapqy memlekettik tirkeýden ótetin kólik quralyn qospaǵanda) nemese tirkemeni tirkeý stavkasy 0,25 AEK (2025 jyly 983 teńge) quraıdy. Kólik quraldaryn memlekettik tirkeý týraly kýálik alý úshin 1,25 AEK (2025 jyly 4 915 teńge) tóleý kerek.