Qazaqstan Aýyl sharýashylyǵy mınıstrligi elden qoı men eshkini syrtqa shyǵarýǵa qoıylǵan shekteýlerdi uzartatyn buıryq jobasyn ázirledi, dep habarlaıdy Aqshamnews.kz tilshisi «Ashyq NQA» portalyna silteme jasap.
Jobaǵa sáıkes, sandyq shekteýler (kvotalar) Eýrazıalyq ekonomıkalyq odaq elderine de, úshinshi memleketterge de qoldanylmaq. Qujatta Qazaqstan aýmaǵynan tiri qoı‑eshkini, sonyń ishinde 4 aıdan asqan qozylardy 120 myń basqa deıin eksporttaýǵa 6 aı merzimge kvota engizý qarastyrylǵan.
Mınıstrlik bul shara otandyq taýar óndirýshilerdiń múddelerin qorǵaýǵa jáne óńdeýge qajetti shıkizattyń turaqty jetkizilimin qamtamasyz etýge baǵyttalǵanyn túsindirdi. Túsindirme jazbada qujattyń maqsaty - eldiń azyq‑túlik qaýipsizdigin nyǵaıtý jáne otandyq óńdeý kásiporyndarynyń júktemesin arttyrý ekeni atap ótilgen.