Qazaqstannyń tuńǵysh prezıdentiniń baspasóz hatshysy Aıdos Úkibaı keıingi kúnderi taraǵan jalǵan aqparattarǵa baılanysty málimdeme jasady, dep habarlaıdy Aqshamnews.kz tilshisi.
Úkibaıdyń aıtýynsha, keıbir BAQ pen áleýmettik jelilerde Sara Alpysqyzy Nazarbaevanyń densaýlyq jaǵdaıy men ornalasqan jerine qatysty shyndyqqa janaspaıtyn málimetter taraǵan. Ol Sara Nazarbaevanyń sáýir aıynan beri Almatydaǵy QR Prezıdenti İs basqarmasy Medısınalyq ortalyǵynyń Ulttyq gospıtalinde em qabyldap jatqanyn, barlyq medısınalyq sharalardyń bekitilgen standarttarǵa saı ári otandyq mamandardyń baqylaýymen júrgizilip jatqanyn jetkizdi.
Baspasóz hatshysy jurtshylyqty tek resmı derekkózderge júginýge, sondaı-aq Sara Alpysqyzynyń esimin rastalmaǵan aqparat pen alypqashpa áńgimeler arqyly nazar aýdartý úshin paıdalanbaýǵa shaqyrdy.
Eske salaıyq, 5 mamyrda áleýmettik jeliler men birqatar BAQ-ta Sara Nazarbaevanyń aýyr jaǵdaıda jatqany týraly habar taraǵan edi. Sol ýaqytta da Medısınalyq ortalyq onyń gospıtálde em alyp jatqanyn rastap, densaýlyq jaǵdaıyna qatysty aqparattyń qupıa ekenin málimdegen bolatyn.