Bolgarıanyń mınıstrler kabıneti epıdemıalyq jaǵdaıǵa baılanysty tótenshe jaǵdaı rejımin úsh aıǵa uzartty. Elde koronavırýs juqtyrǵandar sany kúrt ósip, aýrýhanaǵa jatqyzylǵan naýqastar sany artty.
COVID-19 taralýyna jol bermeý jónindegi VAK álemniń kovıdtik ahýalyna sholý jasaıdy, dep habarlaıdy Almaty-akshamy.kz
Vetnamda COVID-19-dan emdelip shyqqan naýqastar aýrýhanalarda jumys isteýge shaqyryldy. Joba Hoshımın qalasynda júzege asyrylýda: vırýstyń órshýine baılanysty dárigerlerdiń júktemesi artyp, mamandar úlgermeı jatyr. Sonymen qatar, búginde Vetnamda koronavırýspen syrqattanǵandar boıynsha táýliktik antırekord – 12 096 jaǵdaı tirkeldi.
Amerıkalyq Delta Air Lines avıakompanıasy ár vaksınalanbaǵan qyzmetkerinen aı saıyn 200 dollardan aqy ala bastaıdy. Tasymaldaýshy óz qyzmetkerlerin COVID-19 vaksınasıasyna ıtermeleý úshin aıyppul salǵan alǵashqy iri amerıkalyq kompanıa boldy. Shara medısınalyq saqtandyrýmen qamtylǵan jáne 2021 jylǵy 1 qarashaǵa deıin ekpe almaǵan qyzmetkerlerge qoldanylady.
Japonıa úkimeti koronavırýstyń taralýyna baılanysty karantındik shekteý erejelerin qatańdatýǵa májbúr, eldiń taǵy segiz aımaǵynda tótenshe jaǵdaı rejımi engiziledi. Bul shekteýler qosymsha Hırosıma, Hokkaıdo, Mıagı, Aıchı, Gıfý, Mıe, Okaıama jáne Sıga prefektýralaryn qamtıdy. Atalǵan aýmaqtarda tótenshe jaǵdaı 27 tamyzdan bastap engiziledi jáne 12 qyrkúıekke deıin jalǵasady. Shekteý sharalary Japonıanyń 47 prefektýrasynyń 21-ine taralady.
Indonezıada bılik Iava men Balı araldaryndaǵy koronavırýsqa qarsy sharalardyń 30 tamyzǵa deıin uzartylǵanyn habarlady.
Qyzmet kórsetý salasyndaǵy mekemeler men qoǵamdyq tamaqtaný nysandarynyń jumysy azdaǵan shekteýlermen júzege asyrylatyn bolady, sondaı-aq kompanıa qyzmetkerleriniń 30-50%-y úshin qashyqtan jumys formaty qoldanylatyn bolady.