Baıqaýǵa 70-ten astam oqýshy qatysty
Qazaqstan Respýblıkasy Prezıdentiniń Arhıvi Halyqaralyq arhıvter keńesiniń demeýimen 2022 jylǵy 19-21 qazanda Almaty qalasynda «Ashyq qoǵamǵa – ashyq Arhıv» I Halyqaralyq arhıvıster Kongresin ótkizedi. Kongres aıasynda Qazaqstan Respýblıkasy Prezıdentiniń Arhıvi «Meniń otbasymnyń tarıhy arhıv qujattarynda» mekteptik oqý-zertteý jumystarynyń konkýrsy ótedi, dep habarlaıdy Almaty-akshamy.kz.
Konkýrstyń maqsaty – jalpy bilim beretin mekemeler oqýshylarynyń zıatkerlik jáne tulǵalyq damýy, olardyń tarıhty zerdeleý salasyndaǵy ǵylymı-zertteý jumystarynyń ádisteri men tásilderin meńgerýi, jastardy Qazaqstannyń tarıhı-mádenı murasyn, otandyq tarıh, týǵan jer, otbasy tarıhy boıynsha qujattyq derekterdi zertteý men saqtaýǵa tartý bolyp tabylady.
Baıqaýǵa 70-ten astam oqýshy qatysty. Zertteý jumystaryn arnaıy komısıa baǵalady. Jumysty baǵalaý kezinde qurylymy, tarıhnamalyq sholýdyń bolýy, paıdalanylǵan derekter bazasynyń sıpattamasy, zertteý maqsatyna qol jetkizýdi kórsetetin maqsat, mindetterdi, qorytyndylardy tujyrymdaý, naqty zertteý ádisteriniń sıpattamasy jáne olardy qoldanýdyń shyǵarmashylyq zerthanasy, jumys mátinine siltemelerdiń bıblıografıalyq resimdelýi, derekkózder men ádebıetter tizimi eskeriledi. Shyǵarmadaǵy avtorlyq mátinniń úlesi 70% kem bolmaýy kerek. Baıqaý jeńimpazdaryn marapattaý rásimi 19 qazan Respýblıkalyq Dostyq úıinde Kongrestiń resmı ashylý kúni ótkiziledi.
Konkýrsqa jalpy bilim berý mekemelerinen nıet bildirgen 8-11 synyp oqýshylary jáne 6-7 synyp oqýshylara ujymdyq jumysty usyný arqyly qatysty.