Segiz bólimnen turatyn «Meniń Altaıym» telehıkaıasy Qytaıdaǵy kórermenderdiń nazaryn aýdardy. Kórsetilimnen keıin Qytaı azamattary Shyńjań-Uıǵyr avtonomıalyq aýdanyndaǵy Altaı okrýgin kórýge degen yntalary arta bastaǵan, dep habarlaıdy almaty-akshamy.kz.
Serıaldyń álemdik premerasy sáýir aıynyń basynda ótti. Osy ýaqyt ishinde aımaq týraly málimet izdeýshiler sany alty esege artty, al jergilikti týrlardy brondaý kólemi bir aı ishinde 370%-ǵa ósken.
«Meniń Altaıym» telehıkaıasy qytaı jazýshysy Lı Szúannyń áńgimeler jınaǵy negizinde túsirilgen. Fılmde Han ımperıasynyń qyzy men qazaq jigitiniń qarym-qatynasy, jergilikti malshylardyń ómiri jáne adamdardyń tabıǵatpen úılesimdiligi týraly baıandalady.
Altaı okrýginiń ákimshiligi fılmniń arqasynda bıylǵy jyly joǵary týrısik maýsym bir aı buryn bastalǵanyn málimdedi. Mamyr aıynda aımaqqa shamamen 2,67 mıllıon saıahatshy kelgen. Bul ótken jyldyń sáıkes kezeńimen salystyrǵanda 80%-ǵa ósken. Osylaısha týrızmnen túsken tabys 93%-ǵa artqan.