Jarty jyldyń ishinde azamattardyń ótinishine durys jaýap bermegen 614 laýazymdy tulǵa jaýapqa tartylǵan. Bul týraly Bas prokýratýra málim etti, dep habarlaıdy Almaty-akshamy.kz.
«Memlekettik organdardyń ótinishterdi qaraý sapasy udaıy baqylaýda. Quqyqtyq statısıka jáne arnaıy esepke alý jónindegi komıtet pen onyń departamentteriniń tekserýleri 3 myńnan astam buzýshylyqty anyqtady. Árbir fakti boıynsha prokýrorlyq den qoıý sharalary qabyldanyp, 614 laýazymdy tulǵa jaýapqa tartyldy», - delingen vedomstvo málimetinde.
Sondaı-aq, prokýrorlar alty aıdyń ishinde bızneske josparlanǵan 500-den astam zańsyz tekserýdiń jolyn kesken.
«Tekserý sýbektileri men obektileriniń biryńǵaı tizilimi aqparattyq júıesi arqyly bıznes sýbektileri baqylaýshy organdar tarapynan negizsiz qysymnan qorǵalady. Komıtet pen onyń aýmaqtyq departamentiniń qadaǵalaý sharalary 500-den astam zańsyz tekserýlerdiń jolyn kesti», - dep jazylǵan Bas prokýratýra dereginde.