eGov-ta 800 myńǵa jýyq qyzmetke baǵalaý júrgizildi.
Bul týraly búgin Úkimet otyrysynda Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy Almaty-akshamy.kz Elorda.info cilteme jasap.
«Memlekettik apparattyń qujat aınalymyn qysqartý maqsatynda, «halyq únine qulaq asatyn memleket» tujyrymdamasyna sáıkes, memlekettik qyzmetshilerge planshetter taratýdamyz. Aldaǵy ýaqytta 450 planshet qosymsha beriletin bolady», - dedi mınıstr.
Sondaı-aq Baǵdat Mýsın Smart Bridge arqyly ıntegrasıalar ońaı júrgizilip jatqanyn aıtty.
«Memlekettiń azamattarmen qatynasyn sıfrlyq quraldarǵa kóshirý qolǵa alyndy. Mysaly, e-Otinish platformasy óziniń tıimdiligin rastady. Búgin ákimshilik sotqa ótinishterdi ońaı berý úshin Joǵarǵy Sotpen ıntegrasıa júrgizdik. Memlekettik qyzmetterdiń sapasy boıynsha halyqtan keri baılanys alynýda. Mysaly, biz eGov-ta 800 myńǵa jýyq qyzmetke baǵalaý júrgizdik. Jasandy ıntellekt tehnologıasyn qoldanyp, 1414 keńes berý qyzmetin robottandyrý boıynsha pılottyq joba iske asyrylýda», - dedi B.Mýsın.