Bıyl qazaqstandyq sharýalar ekken egis kólemi 24,0 mln gektardy qurady.
Bul ótken 2022 jylmen salystyrǵanda 652 myń gektarǵa artyq. Onyń – 7,1 mln. ga dándi-daqyldar, dep habarlaıdy Almaty-akshamy.kz Aýyl sharýashylyǵy mınıstrligine silteme jasap.
21 qarashadaǵy jaǵdaı boıynsha astyq jınaý Qazaqstannyń barlyq óńirlerinde aıaqtalý satysynda tur. Oblys ákimdikteriniń derekteri boıynsha ortasha ónimdiligi 9,7 s/ga bolatyn 16,9 mln ga (99,1%) jınaldy, bastapqy salmaǵynda 16,5 mln tonna astyq bastyryldy. Onyń ishinde – 13,5 mln gektardan 11,5 mln tonna bıdaı alynǵan. Ónimdiligi gektaryna 8,5 sentnerden keldi.
Sondaı-aq, sharýalar 2,2 mln gektardan maıly daqyldar jınady. Bul osy daqyldyń jalpy kóleminiń 78,3% quraıdy. Ortasha ónimdiligi gektaryna 8,5 sentner bolatyn 1,8 mln tonna maı tuqymy jınaldy. Onyń 845,7 myń ga (74%) kúnbaǵys, ortasha ónimdiligi 11,2 s/ga bolatyn 943,2 myń tonna bastyryldy.
Al, 182,4 myń gektar alqapqa egilgen kartop tolyq jınalyp bitti. Jalpy kólemi 3,6 mln. tonnany qurady. Ónimdiligi gektaryna 200,4 sentner. Sonymen qtar, 165,3 myń ga alańǵa egilgen ózge de kókónis daqyldarynan 4,3 mln. tonna ónim alyndy. Ónimdiligi gektaryna 262,4 sentnerdi quraıdy.