İshki ister mınıstrligi de avtokólikterge arnalǵan esim jazylǵan memlekettik tirkeý nómirlerin engizý qazirgi ýaqytta qarastyrylmaıtynyn aıtty, dep habarlaıdy aqshamnews.kz
UzA Telegram-arnasynyń málimetinshe, Ózbekstanda 2026 jyldyń 1 qańtarynan bastap kólik ıeleri qalaǵan áripter men sandardy tańdap, memlekettik nómir satyp alý múmkindigine ıe bolady. Mysaly, nómirge esimin nemese qala ataýyn jazýǵa bolady.
Osyǵan baılanysty kóp qazaqstandyq júrgizýshilerde oryndy suraq týyndady: mundaı tájirıbe bizde engizile me? Bul jóninde İshki ister mınıstrligine jáne Zańnama men sot-quqyqtyq reforma komıtetiniń tóraıymy Snejanna Imashevaǵa saýal joldadyq.
Parlament ne deıdi?
Snejanna Imasheva bul másele boıynsha Májiliste jumys tobynyń qurylýy josparlanbaǵanyn aıtty. Sondaı-aq depýtattardan da, azamattardan da eshqandaı bastama túspegen.
Onyń aıtýynsha, depýtattar arasynda biryńǵaı ustanym joq.
"Bireýleri esim jazylǵan nómirler alý múmkindigin tek búdjetke qosymsha qarjy túsirý tásili retinde qoldaıdy, biraq olardyń quny óte qymbat bolýy kerek dep esepteıdi. Al basqalary túbegeıli qarsy, mundaı jańashyldyqty orynsyz sanaıdy: ol tek áleýmettik teńsizdikti aıqyndap, jastar arasynda shamadan tys maqtanshaqtyq mádenıetin qalyptastyrady", – dedi Zańnama jáne sot-quqyqtyq reforma komıtetiniń tóraıymy.
İİM jaýaby
rastady.