Almaty qalalyq qoǵamdyq densaýlyq saqtaý basqarmasy onkologıalyq naýqastarǵa arnalǵan "Tagrısso" preparatynyń ýaqytsha jetispeýshiligin rastady, dep habarlaıdy aqshamnews.kz
Vedomstvonyń málimetinshe, dáriniń tapshylyǵy eldiń basqa óńirlerinen kelgen naýqastardyń qaıta tirkelýine baılanysty boljanǵan kólemniń artyǵymen jumsalýynan týyndaǵan.
Jyl saıyn Almaty onkologıalyq ortalyǵynda 1000-nan astam naýqas tirkeledi. Quny 2 mıllıon teńgeden asatyn "Tagrısso" tegin nemese jeńildetilgen shartpen beriletin dáriler tizimine engizilgen. Bıyl mınıstrlik ortalyqqa 8400 tabletka lımıt bólgen, alaıda bul kólem tolyq paıdalanylǵan.
"SK-Farmasıa" JSHS dárini merziminen buryn jetkizý úshin jetkizýshimen kelissóz júrgizgenin málimdedi. Qosymsha partıa 26 qyrkúıekke deıin qoımaǵa jetkizilip, keıin naýqastarǵa berilmek.
Basqarmanyń habarlaýynsha, dári-dármekpen qamtamasyz etý bólingen qarjy sheginde júrgiziledi, al qosymsha qajettilik ýákiletti organmen kelisilgen jaǵdaıda qamtamasyz etiledi.