Qujattardy onlaın túrde admission.apa.kz júıesi arqyly 1–30 qarasha aralyǵynda tapsyrýǵa bolady.
2024 jylǵy 1 qarashadan bastap Qazaqstan Respýblıkasy Prezıdentiniń janyndaǵy Memlekettik basqarý akademıasy modýldik oqytý prınsıpi boıynsha magıstratýra baǵdarlamalaryna qosymsha qabyldaýdy bastady, dep habarlaıdy aqshamnews.kz
Qabyldaýdyń bastalǵany týraly Almaty qalalyq fılıalynyń dırektory Aıgerim Abılova Almaty qalasynyń Óńirlik komýnıkasıalar qyzmeti alańynda ótken brıfıńte málimdedi.
Akademıa 1994 jyly Ulttyq joǵary memlekettik basqarý mektebi retinde quryldy jáne bıyl 30 jyldyǵyn atap ótýde. Ol memlekettik qyzmetshiler men basqa da mamandardy daıarlaıtyn, qaıta daıarlaıtyn jáne biliktiligin arttyratyn erekshe mártebesi bar oqý orny bolyp tabylady. Akademıanyń basty maqsaty – memlekettik sektorǵa joǵary kásibı kadrlardy daıyndaıtyn bilim berý jáne zertteý mektebin qurý.
Aıgerim Abılovanyń aıtýynsha, Akademıada magıstratýra baǵdarlamalary aıasynda modýldik oqytý 2020 jyldan bastap engizilip, tanymal oqytý formatyna aınaldy. 2022 jyldan bastap Akademıa osy formattaǵy baǵdarlamalar boıynsha qysqy qosymsha oqytýdy usyna bastady. Modýldik oqytý negizgi jumys ornynan ajyramaı, biliktilikti arttyrýǵa múmkindik beredi, bul memlekettik qyzmetshiler, kvazımemlekettik sektor qyzmetkerleri jáne máslıhat depýtattary úshin mańyzdy. Oqý jyly 6 modýlden turady, olar oflaın jáne qashyqtyqtan ótedi.
Úmitkerlerge usynylatyn bir jyldyq baǵdarlamalar:
• Executive MPA – Memlekettik basqarý: basshylyq qyzmette keminde 2 jyl eńbek ótili qajet.
• Master of Regional Development – Óńirlik damý: jalpy jumys ótili keminde 2 jyl bolýy kerek.
Qabyldaý úshin memlekettik organnyń joldamasy (memlekettik qyzmetshilerge arnalǵan), memlekettik tildi B1 deńgeıinen tómen emes deńgeıde meńgergenin rastaıtyn QAZAQ RESMI TEST nemese QAZTEST sertıfıkaty jáne basqa da qujattar qajet. Akademıa 11-26 qarasha aralyǵynda ótetin QRT-testin tapsyrýǵa arnalǵan qazaq tili boıynsha daıyndyq kýrstaryn usynady.
Spıker, sondaı-aq 2024 jylǵy qabyldaý erejelerindegi negizgi ózgerister týraly aıtty:
1. Akademıa memlekettik qyzmetshilerge arnalǵan modýldik baǵdarlamalarǵa qabyldaýdy qaıta bastady.
2. Memlekettik organnyń joldamasyn usyný talaby engizildi, bul jumys jáne oqý kestelerin úılestirýge múmkindik beretin úshjaqty shart arqyly júzege asyrylady.
3. Modýlder sany 4-ten 6-ǵa deıin ulǵaıtyldy, bul Akademıada uzaq ýaqyt bolý qajettiligin azaıtady.
Qabyldaý kezeńderi:
• Ótinimder berý merzimi: 1–30 qarasha.
• İrikteý kezeńderi: analıtıkalyq esse jazý jáne suhbat kezeńi 4–7 jeltoqsan aralyǵynda oflaın formatta ótkiziledi.
• Oqý bastalýy: 2025 jyldyń 13 qańtarynda.
Oqýǵa túsý erejeleri jáne qajetti qujattar tizimi týraly tolyq aqparat Akademıanyń resmı saıtynda https://www.apa.kz/ ornalastyrylǵan. Qabyldaý komısıasy úmitkerlerge kórsetilgen telefondar jáne áleýmettik jeliler arqyly keńes berýde.
Qajetti qujattar tizimi:
1. Memlekettik organnyń joldamasy (memlekettik qyzmetshilerge arnalǵan).
2. Jeke basyn kýálandyratyn qujattyń skan kóshirmesi.
3. Joǵary bilim týraly qujattyń qosymshasymen birge skan kóshirmesi.
4. QAZAQ RESMI TEST nemese QAZTEST sertıfıkaty (shetel azamattaryn qospaǵanda).
5. Qyzmettik tizim (memlekettik qyzmetshilerge arnalǵan) nemese eńbek qyzmetin rastaıtyn qujat.
6. Ótinish (ESQ qolymen).