Eńbek jáne halyqty áleýmettik qorǵaý mınıstrligi málimdeýinshe, jumyspen qamtýǵa járdemdesýdiń belsendi sharalarymen 221,7 myń adam qamtyldy, 292,2 myń qazaqstandyq jumysqa ornalastyryldy, dep habarlaıdy aqshamnews.kz
Taratylǵan aqparatqa súıensek, sýbsıdıalanatyn jumys oryndaryna mansap ortalyqtary arqyly 129,8 myń adam jiberildi, onyń ishinde jumyspen qamtyldy:
áleýmettik jumys oryndarynda 11,5 myń adam,
jastar praktıkasynda 9,1 myń adam,
qoǵamdyq jumystarda 91,7 myń adam,
"Kúmis jas" jobasy aıasynda 14,8 myń adam,
"Alǵashqy jumys orny" jobasy boıynsha 2,6 myń adam,
"Urpaqtar kelisimsharty" jobasy sheńberinde 90 adam.
Eńbek naryǵyndaǵy suranysqa ıe daǵdylar boıynsha onlaın oqytýmen 48,5 myń jumyssyz qamtyldy, onyń ishinde 45,3 myńy oqýdy aıaqtady.
Sondaı-aq, vedomstvo qyzmet salasyn tańdaý maqsatynda kásiptik ortalyqtarda 224,3 myń adam áleýmettik kásiptik baǵdarlaýdan ótip, keńes berý qyzmetterin alǵandyǵyn atap ótti.
Mınıstrlik azamattardy jumysqa ornalastyrý birneshe baǵyt boıynsha júzege asyrylatynyn jáne shyn máninde jumysqa ornalasqandyǵy olar úshin mindetti zeınetaqy jarnalarynyń aýdarylýymen rastalatynyn qosa aıtty.
Sonymen qatar, 2025 jyly halyqtyń áleýmettik osal sanattaryna jańa bıznes-bastamalardy júzege asyrý úshin 400 AEK-ke deıin (1 572 800 teńge) 9 myń grant berý kózdelgen.
Birinshi lekte 4,2 myń grant berildi.
11 tamyzdan bastap "Business.Enbek" portalynda 2-lekke úmitkerlerden ótinishterdi qabyldaý bastaldy.