Qazaqstan respýblıkasynyń memleket jáne qoǵam qaıratkeri, kórnekti qalamger-jýrnalıst, saıasatker Qýanysh Sultanov 80 jasqa keldi. Almatydaǵy Ulttyq kitaphanada «Qazaqtyń Qonaevy», «Otyz jyldaǵy oı-tolǵaý» atty eki kitaptyń tusaýkeser rásimi ótti, - dep habarlaıdy aqshamnews.kz.
Jıynǵa qoǵam qaıratkerleri, aqyn-jazýshylar, saıasatkerler, mádenıet pen óner ókilderi qatysty.
Jıynǵa qatysýshylar seksenniń seńgirine memleket pen qoǵam aldynda bıik abyroımen jetken Qýanysh Sultanulynyń júrip ótken ómir jolynan estelikter aıtyp, ár kezeńdegi qyzmetteri jaıynda oı órbitti.
– Qakeń qazaqtyń súıikti perzenti Dımash Ahmetulymen birge qyzmet istedi. Táýelsizdikten beri el tirligine eleýli úles qosyp keledi. Alǵashqy aqparat mınıstri, Qytaıda elshi, Senator, Májilis depýtaty jáne túrli laýazymdy qyzmetter atqardy. Qaıda júrse de ultqa qyzmet qyldy, – dedi aqyn Nurlan Orazalın.
Alqaly jıyn ortasynda D.Qonaev atyndaǵy qoǵamdyq qor memleket jáne qoǵam qaıratkeri Qýanysh Sultanovqa "Qonaev ordenin" tabystady.
Tusaýy kesilip, kópshilik oqyrmanǵa jol tartqan kitap jaıynda D.Qonaev qory basshysy Eldar Qonaev óz pikirin de ortaǵa saldy:
– Kitapty oqyp, qaıran qaldym. Ásirese Keńestik Qazaqstan basshysy Dımash Ahmetulynyń júrip ótken ótkelderi, qıyn ýaqyttary anyq jazylǵan. Sol dáýirdiń bárin kózimen kórip, ishinde boldy. Táýelsizdikke deıin, keıin de óte jaýapty qyzmetterde boldy , – dedi qoǵamdyq qor jetekshisi.