Qazaqstan Prezıdenti Azıadaǵy ózara is-qımyl jáne senim sharalary jónindegi keńestiń VI samıtine qatysýǵa kelgen Vetnamnyń vıse-prezıdenti Vo Thı An Sýanmen kezdesý ótkizdi, dep habarlaıdy Almaty-akshamy.kz akorda.kz silteme jasap.
Áńgimelesý barysynda Qazaqstan Prezıdenti AÓSSHK jumysyna belsendi qatysqany úshin Vetnam tarapyna alǵys aıtyp, eki el arasyndaǵy tabysty yntymaqtastyqtyń deńgeıi joǵary ekenin atap ótti.
Qasym-Jomart Toqaev pen Vo Thı An Sýan ózara saýda-ekonomıkalyq is-árekettiń tabysty damyp kele jatqanyn atap ótip, Qazaqstan men Vetnam halyqtary arasyndaǵy mádenı-gýmanıtarlyq baılanystardyń nyǵaıa túskenin, eki el arasyndaǵy áýe qatynasyn ashý týraly aıtty. Sondaı-aq saýda, týrızm, agrarlyq, kólik-logıstıkalyq jáne qarjy salalaryndaǵy baılanystardy kúsheıtý úshin mol áleýet bar ekenine nazar aýdaryldy.
Kezdesý sońynda Memleket basshysy Qasym-Jomart Toqaev Vetnam Prezıdenti Ngýen Sýan Fýkke sálem joldady.
Óz kezeginde Vo Thı An Sýan óz memleketiniń basshylyǵy atynan Qazaqstan Prezıdentine Vetnamǵa saparmen kelýge shaqyrýyn tapsyrdy.