Prezıdent tapsyrmalarynyń oryndalý barysy jóninde baıandady.
Qasym-Jomart Toqaevqa mınıstrliktiń bıylǵy atqaratyn negizgi mindetteri, sondaı-aq pandemıadan keıingi kezeńdegi ekonomıkany damytýǵa kóshý sharalary jóninde jáne onyń syrtqy syn-tegeýrinderge tótep berýine qatysty aqparat berildi, dep habarlaıdy Almaty-akshamy.kz Aqordaǵa silteme jasap.
Álibek Qýantyrov Prezıdent tapsyrmalarynyń oryndalý barysy jóninde baıandady. Atap aıtqanda, Halyqtyń tabysyn arttyrý baǵdarlamasy men Inflásıany baqylaý jáne tómendetý jónindegi keshendi sharalardyń júzege asyrylýy týraly sóz boldy.
Memleket basshysy Qazaqstan halqyna Joldaýy aıasynda elimizdiń ákimshilik-aýmaqtyq qurylymyn ózgertý jóninde naqty mindet júktedi. Qazirgi ýaqytta komısıa jasaqtalyp, jańa oblystardy qurý jumystarynyń algorıtmi ázirlendi.
Kezdesý qorytyndysy boıynsha Qasym-Jomart Toqaev makroekonomıkalyq turaqtylyqty qamtamasyz etý, ekonomıkany ártaraptandyrý jáne jańa jumys oryndaryn ashý, ekonomıkadaǵy memlekettiń úlesin azaıtý, sondaı-aq turǵyndar men kásipkerlerge qoldaý kórsetý jóninde birqatar tapsyrma berdi.