Memleket basshysy qarjy mınıstri Mádı Tákıevti qabyldady, - dep habarlaıdy Aqshamnews.kz tilshisi.
Prezıdentke respýblıkalyq búdjettiń oryndalýy jáne memleket qarjysyn sıfrlandyrýdy ilgeriletý jumystary jóninde baıandaldy.
Mádı Tákıev:
- bıyl respýblıkalyq búdjetke 21,6 trıllıon teńge kóleminde kiris túskenin aıtty.
Onyń 15,2 trıllıon teńgesin salyq túsimderi quraıdy. Bul – ótken jylmen salystyrǵanda 23,4 paıyz joǵary. Toǵyz aıdyń qorytyndysy boıynsha búdjet 101,6 paıyz oryndalyp, onyń áleýmettik baǵyty saqtalyp otyr.
- salyqtyq jáne kedendik ákimshilendirýdiń tıimdiligin arttyrý sharalary, Arnaýly memlekettik qordyń túsimderi týraly málimet berdi.
«Memlekettik satyp alý týraly» Zańyn iske asyrýǵa basa nazar aýdaryldy. Jańa qujat rásimderdiń merzimin qysqartýdy, olardyń ashyqtyǵyn qamtamasyz etýdi jáne otandyq taýar óndirýshilerdi qoldaýdy kózdeıdi. Qazir qazynashylyqtyń aqparattyq júıesindegi taldaý jáne baqylaý úderisteri tolyq avtomattandyryldy.
Memleket qarjysyn sıfrlandyrý aıasynda Big Data qalyptastyrýǵa jáne tolyqtyrýǵa, sondaı-aq salyq pen keden salalaryna jasandy ıntellektini engizýge erekshe mán beriledi.
- memlekettik aýdıttiń nátıjelerin tanystyrdy.
Bıylǵy 8 aıda 791 tekserý júrgizilip, somasy 337,5 mıllıard teńge bolatyn qarjynyń zańsyz jumsalǵany anyqtaldy.
- memlekettik qarjynyń ornyqtylyǵyn qamtamasyz etý boıynsha júıeli jumysty jalǵastyrý men barlyq áleýmettik mindettemeni oryndaý kerek ekenine toqtaldy.
- Sondaı-aq sıfrlandyrýdy odan ári damytý jáne zamanaýı baqylaý tetikterin engizýdiń mańyzyn atap ótti.