Prezıdenttiń aıtýynsha, Qazaqstanda sporttyń osy túrine qyzyǵýshylyq zor.
Qasym-Jomart Toqaev Marıýs Vızerge dzúdony damytýǵa jáne nasıhattaýǵa úles qosqany úshin rızashylyq bildirdi, dep habarlaıdy aqshamnews.kz Aqordaǵa silteme jasap.
«Sizdiń saparyńyz Qazaqstan men Halyqaralyq dzúdo federasıasy arasyndaǵy ózara yqpaldastyqqa tyń serpin berý turǵysynan óte mańyzdy dep sanaımyn. Búginde dzúdonyń álemdik sport qoǵamdastyǵynda alatyn orny zor. Dzúdo Qazaqstanda da óte tanymal sport túri. Elimizde kóptegen seksıa men jattyǵý ortalyqtary jumys isteıdi. Onda 160 myńnan asa adam, solardyń ishinde balalar da jattyǵady. Jaqynda ótken Parıj Olımpıadasynda Eldos Smetovtiń jeńimpaz atanǵanyn maqtan tutamyz. Sondyqtan biz Halyqaralyq dzúdo federasıasymen qarym-qatynasty órkendetip, yntymaqtastyqty jandandyrýǵa nıettimiz», - dedi Memleket basshysy.