Prezıdent Qasym-Jomart Toqaev Astana halyqaralyq forýmyna qatysýǵa kelgeni úshin Helga Shmıdke alǵys aıtyp, atalǵan forým Batys pen Shyǵys arasyndaǵy baılanystardy nyǵaıtýǵa yqpal etetin jańa alań ekenine nazar aýdardy, dep habarlaıdy Almaty-akshamy.kz.
– Siz bastap kelgen EQYU delegasıasy osy forýmda kóptegen túıtkildi máselelerdiń oń sheshilýine eleýli úles qosady dep sanaımyn. Ókinishke qaraı, qazir álemde ondaı problemalar bar. EQYU-men yntymaqtastyqty nyǵaıtý Qazaqstan úshin basym baǵyt sanalady. Bizdi uıymnyń róli týraly pikirler qaıshylyǵy alańdatady. 2010 jyly Astanada ótken samıtten keıin mınısterler deńgeıinde de, basqa formatta da birde-bir resmı qujat qabyldanǵan joq. Árıne, bul – alańdatarlyq jaıt. Biz uıym aıasyndaǵy baılanystardy nyǵaıtý qajet ekenine burynǵydaı kámil senemiz, – dedi Qasym-Jomart Toqaev.
Memleket basshysynyń aıtýynsha, Qazaqstan – EQYU-nyń belsendi múshesi. Prezıdent elimizdiń EQYU-men aradaǵy ózara tıimdi seriktestik jáne ashyqtyq rýhyndaǵy tyǵyz qarym-qatynasyn odan ári nyǵaıtýǵa jáne osy uıymnyń Bas hatshysy Helga Shmıdke jan-jaqty qoldaý kórsetýge daıyn ekenin málimdedi.