Áleýmettik-medısınalyq saqtandyrý qorynyń barlyq bólimshesine keshendi aýdıt júrgiziledi, dep habarlaıdy Almaty-akshamy.kz.
Bul týraly Májilistiń jalpy otyrysynda Joǵary aýdıtorlyq palatanyń tóraǵasy Natalá Godýnova aıtty, dep jazdy Qazaqparat.
«Konstıtýsıalyq reformany iske asyrý aıasynda búgin qaralyp otyrǵan Joǵary aýdıtorlyq palatanyń esebimen qatar Májiliske jylýmen jabdyqtaý salasyndaǵy basqarý tıimdiligine júrgizilgen aýdıt qorytyndysy boıynsha esep engizildi. Anyqtalǵan faktiler men ázirlengen usynymdar osy salada júrgizilip jatqan jumysty jetildirýge múmkindik beredi dep úmittenemiz. Sondaı-aq, Joǵary aýdıtorlyq palata osy jyldyń sońynda Memleket basshysynyń tapsyrmasy boıynsha Áleýmettik-medısınalyq saqtandyrý qorynyń búkil 20 óńirlik bólimshesine keshendi aýdıt júrgizýge kirisetinin aıta keteıin», - dedi Natalá Godýnova.